اليوم الجمعة 17 نوفمبر 2017 - 9:12 مساءً

  
  رئيس التحرير
  شكري رشدي



من خواطرى: الألـم .. بقلم : منى حسن

الألم كلمه لها معني واحد فقط هو الوجع علماً فى العامية الألم يعني قلم للكتابه..
وقلم الكتابه مش ممكن يشعر بالوجع ولكن ممكن يوصف الوجع بأنواعه.
الألم شيء فظيع, صعب ان محدش يكون شَعَر بيه من اول الطفل للعجوز.
لكن الألم انواع ألم عضوى ,جسدى وألم نفسى وألم بصرى وسمعي.
ومع انواع الألم الكثيره ومراحلها لها تأثيروردود فعلها الذى احياناً يكون قاسِ ومُحزن!
للأسف لا يشعُر بيه الاّ المُتألم ولا يُقدّر الألم الاّ الموجوع أو فى بعض الاحيان ولمده محدوده اللّى حوله بانعكاس معاناته بألمه, يمكن يتأثروا او يتعاطفوا او يشعروا برد فعل من ردود افعال الموجوع, ولكن فعليا لا يستطيعون ان يشعروا بيه ومعاناته.
الوجع هو الألم من مكان ما فى الجسد, ده فى حالة الالم الجسدى من مرض او اى خلل عضوى ما.
الالم النفسى ما كُتره, ممكن يكون من الزعل والحزن او القهر وغيره, وهو لا يقل الماً عن وجع الجسم لان فى بعض الاحيان وجع الجسم احيانا يقل بمسكن, ولكن ألم الاحزان مهماً حصل لازم ياخد وقته.. الزمن دواه!
الظروف والناس كلهم ليهم يدّ في امداد المتألم بالمشاركة والاحساس بالتواجد حوله, وإن فى حد يبقي حاسس بيه وانه مش لوحده وأن في مساعده من اي نوع فى وقت الحاجه,
بمعني المشاركه لها تأثير قوي عليهم كلهم مش المتألم لوحده, مش معني انك بتطبطب معناها ان خلاص الآلام راحت.. لأ لكن ممكن يكون نوع من المسكن النفسي اللي عليه عامل كبير اوي وهو مؤثر فى حياه المتألم.
مش لازم يكون قريب له او جار, ممكن حد تقابله في شارع او موقف او مكان, بالمساعده له او ابتسامه تؤثر عليه بالأيجابيه.. شعوره ان في حد حس بيه بيترفع جهاز تحمُّل الألم عنده فتزيد قدرته علي تحمُّله للألم.
تخيل أن نظره وضحكه وابتسامه ومدّة يد للألم فيها ثواب وصدقه وفايده ومعجزات ممكن توصل لشفاء من اى نوع ألم, ودى اشياء منسيه دلوقتى الناس نسيت فى خضَمّ الحياه من ان يتواصلوا مع بعض وفي حاله مرض احدهم يتناسوه, وبقى واجب زياره المره الواحده ولآ المكالمه, ويكملوا حياتهم عادى كإن حدث لم يكن.
مش عارفه راح فين الاحساس والمتابعه, حتى الزياره شبه انعدمت والمكالمه قلت والكلمه للمواساه بقت تتشحت ده حتي وصل لو مات يبقي الحزن ليوم العزا وبعد كده عادي نكمّل…
مافيش وفاء ولا احساس بالوحشه او الفرقه او الأحاسيس الطبيعيه للبني ادم بتاعتنا بتاعه زمنا اللى مش عارفه راحت فين وضاعت وسط الحياه…
مصريه
2017

اضف رد

لن يتم نشر البريد الإلكتروني . الحقول المطلوبة مشار لها بـ *

*