اليوم السبت 16 ديسمبر 2017 - 9:10 صباحًا

  
  رئيس التحرير
  شكري رشدي



كل الأشياء تهون .. بقلم : محمد عبد الواحد

abd-el-wahedنرجع لمدلول الكلام والكلام اصله قديم،تمر بك يامصر الازمات وانت صلبه زي الحديد، ولو سالنا شعبك هيقول باعلي صوت افديها بروحي بس هي تعيش، ويخرج علينا صوت يقول كفايه ظهري استوي مش قادر اشيل، زمان ياما استحملت اخذت حتي الجاز بالكوبون وايه هوالكوبون طابع ذي طابع البريد وكمان كان علي التموين، واللحمه لما حسينا بجشعها الكل قال تحرم علينا ولانذوقها الغني قبل الفقير،كانت القلوب صافيه والكل بيتسابق في حبك يا غاليه، اما اليوم الهوجه عاليه وكل واحد عاطي لنفسه ميثاق انه الوطني الوحيد،مزايده واتهامات ولو حد  قال اه اصحابنا مدعو الوطنيه يجروا عليه ويقول عميل، وفي ازمه السكر الكل اتفتش امره وزاد  الطين بلة لان ا صحابنا بتوع التنظير سفهوا الامر واخذوا الفقير ماده للتريقه، يوماتي في شرب الشاي مقضيها كوبايه ورا كوبايه ومحليها ب٤ ملاعق سكر وحالف ليخليها قطعه جاتوه، ياه طول عمرك ياعيني مظلوم وفي همهم مشيلينك الشيله شيل وفي افراحهم طبعا لازم تكون منسي وتشوف صورهم وولايمهم تقول ياه فلوس ومرميه، وبرضه مش ساكتين وسيبينك تعيش يقولو واقف في الطوابير وعامل ازمه ماهو غاوي تخزين،  ويرد عليهم سيبونا في حالنا السكر ده فاتح بيوت، قهاوي وحلاونيه وبياع فطائر وبليله وكسكسي منه شغالين، لو اتقفلت بيوتهم يصبحوا عطلانين ويزيد طابور البطاله،ويقولو علينا شحاتين، مفيش حد دور علي اصل الحكايه وليه كل مار بك يفرجها نقع في ازمه غيرها،اقولكم انا العبد الفقير اصلها تجار مصالح وفريق كوره من راس المال حالف براس ابوه ليخليه تلال وهتيفه بيهتفوا ليل نهار ليتصالحوا مع الاغنيه ويخدوا منهم قرشين فكه علشان يمشوا الحال، وضرائب انا بدفعها من المنبع ماانا اصل موظف وراتبي عندهم،واسعار تزيد واقول ياناس اعمل ايه هدفع كهربه وميه وايجار ولا اكل العيال عيش حاف، عرفتوا ليه زمان كان حب مصر بجد مش تمثيل علشان الكل وقت الازمه ايد بايد وفي محاربه الغلاء والإحتقار وقفين، ولما الفقير بيميل كان بيلاقي الف ايد، علشان كده بنقول تمر الازمات وتعيش وطن تعيش.

اضف رد

لن يتم نشر البريد الإلكتروني . الحقول المطلوبة مشار لها بـ *

*