اليوم الثلاثاء 12 ديسمبر 2017 - 2:35 صباحًا

  
  رئيس التحرير
  شكري رشدي



من خواطرى: بس فى مصر .. بقلم. منى حسن

mona-haasanمحتاره ابتدى ازاى مقالتى وجوايا مليان مليون سؤال ودشيليون اجابه, ده غير احساسات من زعل على انبساط على خيبه امل ,واكيد فخر لبلد تماسكها منعها من انهيار وتفكك زى من حولها..
حياتنا فى مصر بسيطه ولكن لكتر عددنا اصبحت مرهقه من كتر الزحمه وبيضيع وقت كبير اوى فيها ، اكلنا وشربنا فيه خير من ارضنا بس عاوز عنايه وكيماويات آمنه لسلامه صحته شعب….
شعب.. كلمه فيها قوه المفرض يُعمل بيها، شعب مفروض عليه خدمه وطنه ارضه بلده ويخاف عليه ويحترمه ويقدر ظروفه مهما ان كان.
شعب له الحق انه يعيش وليس ليدير البلد. شعب له الحق انه يقول احتياجاته وليس انه يحتج وهو ادراكه من غير حقائق. شعب حق عليه ان يعمل واجباته بأمانه وضمير قبل ما   يطلب ما لا حق له. شعب محتاج  تكون النظافه من الاساسيات وليست كماليات فى كل طرق حياته من نفسه لشغله لشارعه للسانه، شعب سلوكياته لازم تتبع اصوله مش تُكتسب وتُقلد من ثقافات اخرى… شعب اتلغى عنده الاحترام للأخر لجهله مفهوم يعنى ايه ديمقراطيه وافتكر ان اعمل راسى براسك هى دى الحريه.
كل بلد فيها حكايه ومشكله وبطاله وغلو وديمقراطيه مفهومه وحريه مقبوله الا فى مصر وان حكايتها حكايه. 
مش حاقول ولا ارجع للاستعمار ولا حاقول وقت ناصر ولا ايام الملك واوقات الريسه وسنينهم اللى عدت ولا اى مرحله ولا  اى سياسه..وَلا حاعاتب ان الكسل والاتكاليه لهم دور.
انا بتكلم عن الشعب، الشعب البسيط اللى منه الغنى والفقير، الشعب هو البنى الادم، الشعب المفروض يكون انسان، يتعامل بانه انسان ويُعامِل كانسان،
احنا عندنا مشكله شعب، مش مشكله حكومه وبلد ووطن مش هما اصل المشكله هما مصاحبه للمشكله.. مشكلتنا فينا احنا الشعب!
الشعب عاوز، مش عاوز يدى.. الشعب فيه منه بيحاول وفيه بيدى ولكن هم اقليه،، انا مابقلش سلبيات لانى دايما بناءه ومابحبش اكلم عن السلبيات بس احنا فى حال لازم الشعب يبتدى يلم نفسه لازم كل بنى ادم يبتدى بنفسه لازم كل بنى ادم يبقى عارف هو يقدر يعمل ايه ويبطل ايه علشان يقدر يقوم ويخاف ويحافظ على بلده…
قله الادب مش حاتوصل لحاجه, الصوت العالى مش حايوصل لحاجه, الاسلوب السوقى مش حايوصل لحاجه, التريقه والتشويهه مش حايوصل لحاجه, خبطنا فى بعض مش حايوصل لحاجه, تهويل مواضيع مش حايوصل لحاجه .. احنا عارفين واقفين فين احنا عارفين مين ضدنا احنا عارفين مين بيعمل ايه.
الشعب بقى مدرك لكن ماهواش مؤهل ولا ملم بكل التفاصيل ومابيعرفش كل حاجه وماعندوش كمان استيعاب بكل شئ, كلمه بتجيبه وكلمه بتوديه,  حركه وحدث تخليه يحن وحدث يخليه يقلب,  تلات اربع عيشته بالمشاعر مش بالحقائق والبراهين واللى بيجرى, وان فى حاجات كتيره اوى مش المفروض انها تتعلن ولا تتقال ولا تتحكى لاسباب كتيره اوى منها الامن العام, ومنها , ,ان احنا مش المفروض ندخل فى كل حاجه وان احنا نقعد نخبط ونكبر ونصعد مواضيع.. ومش مفروض ان احنا نكبر مثلا زى موضوع التكتوك واللى ماعرفش كل تفاصيله غير انى سمعت فيديو واحد بيتكلم بطبيعيه عن كل شئ , ونعمل عليه حكايه لمجرد ان واحد قال رايه سواء مفبركه او مش مفبركه، فى الاخر ما هو قال واقع.
وعلى فكره بره كل العالم عارف حقايق اكتر من عندنا, احنا بنحاول ندفن دماغنا جوه رمله… الموضوع مش سر  وماهياش سلبيه  البنى ادام بيقولها عن بلده البلاد كلها فيها سلبيات وايجابيات ،كل الناس زعلانه على اللى بيحصل فى مصر .. بره مصر سؤالهم ايه اللى جرى لمصر ايه بيجرى لمصر ايه اللى حصل لمصر..  ماعنديش رد ومع نفسى بعدين راجعتها لاقتنى  عارفه الرد،   بس كان هو  ده الحاجه الوحيده اللى اقدر اقولها :ان ماعنديش رد
بس انا بقول دلوقتى وانا عارفه برضه  ان ده رد لكل الناس ان الشعب : هو الرد.
الشعب محتاج ان يظب نفسه الشعب محتاج انه يرجع لدوره , الشعب مش سياسى عمره ولا حايكون, الشعب مش اقتصادى عمره ولا حايكون,  الشعب مش ادارجى اصلا ولا حايكون, الشعب : شعب بيقوم بدوره وواجباته بيصحى الصبح بياخد باله من عيلته ويروح ياخد باله من شغله ويرجع بيته وحياته ماشيه, هو ده دور الشعب مع بيته انه لازم ان يبقى ولاده وعيلته وعيشته ايجابيه علشان هى بتخدم بلده وفى شغله لازم يكون امين ويكون منتج علشان هو ده اللى بيدور عجله البلد ودرجه يتقفل ويبطل, عرقله روتين تتبطل, شغل الحلنجيه يتبطل, تحايل على القانون يتبطل.. التزام بقوانين يتعمل بيها,  هو اللى يعمل بيها, مش علشان حايدفع غرامه لازم الالتزام يجى من جوه،  منه هوه, ضميره يصحى, دماغه تشتغل, كفأته تزيد لان هو كفاءه,  ليه كفائتكوا تظهر بره .. علشان فى التزام.  هو انت لازم تمشى بالتزام علشان تدى, افرض الالتزام جواك وادى , انت فى بلدك , هى اولى بانجازك وكفائتك وعطاءك ماتبصش لغيرك هو عنده ايه, اعمل باللى عندك وارضى بيه , ربنا خلقنا مستويات وطباقات وكفاءات وامكانيات وقوات, فى واحد ضعيف وواحد قوى جسمانيا, و مش قوى على التانى. 
,احترام الفروق واجب, احترام الناس واجب احترام الانسانيه واجب,  زعلانه عليكى يا مصر,  زعلانه على شعب مصر,  زعلانه عليكى من شعبك يا مصر, حايجى يوم امتى ويتصلح الحال, انا بلدى بحبها, وكان ممكن ولازالت على المحك, هل حاتنبسط لو تفككت, هل تنبسطت لو ادمرت, هل حاتنبسط لو حالنا بقى زى حال البلاد اللى حوالينا .. اهداف كتيره كتيره وعيون علينا بدل مانساعد نهدم, بدل مانقف وقفه كلنا ايد واحده علشان تقوم همه البلد نخبط فيها, وكل الناس بقت فاضيه وقاعدين يدعو لكلام فاضى وايه وايه وايه, هيه زراير قوموا واعملوا وانزلوا, دى بلد ٩٠مليون, شعب بيدمر نفسه بنفسه وفى الاخر بيشتكى ، انت السبب يا شعب انت السبب لا حكومتك ولا بلدك ولا ارضك انت يا شعب السبب انت اللى تقدر تطلعها فوق بطريقتك بألتزامك وانتاجك وهمتك وضميرك وانت اللى تقدر تنزلها تحت بسلبيتك وانتقادك وعدم رضاك حب مصر وحب نفسك وحب جارك وحب اهلك, وانسىى اللى مش من دمك واللى مش من بلدك, لو بيضروك  انساهم اتعامل كانهم هوا,  عاوزين يدمروا مش حايقدروا, عاوزين ينخوروا مش حايعرفوا, عاوزين يعملوا  مشاكل ويفرقونا ماتصدقش, خليك فى حياتك,  حياتك وانتاجك وبس, لا ليك دعوه , بسياسه واقتصاد, لا ليك دعوه مين عمل ايه ماتخشش فى حوار مانتاش فاهم اصله ايه  السوشيال ميديا و الاعلام اكتر عدو لنشر اشعه اونشر حقيقه, ومش حاتعرف تقرق لانك حاتوه. بلاش تدمير نفسك ولا بلد ولا , شعب ولا اهلك, عايزين نرجع نضحك تانى عايزين نرجع نعيش فى امان تانى, عايزين نرجع من غير مانفكر احنا بكره حايجرالنا ايه, عايزين نرجع نشرب مايه نضيفه, وناكل اكل مش مسمم ,عايزين اولادنا يكبروا فى بيئه وتعليم صح, عاوزين حاجات كتير الشعب هو الوحيد اللى يقدر يعمل ده, ,الفلاح عارف ارضه, العامل عارف مكنه الموظف عارف شغله, المدير عارف ادارته البنى ادم عارف نفسه.  اعمل انتج وحايكون المردود ايجابى, علشان انت بتحب مصر وماحدش فى الدنيا يقدر يعمل ولا يحب بجد ولا انه يقدر بجد  ولا يقف وقفه المصرى بجد الا بس فى مصر.. بحبك يا مصر
مصريه
٢٠١٦

اضف رد

لن يتم نشر البريد الإلكتروني . الحقول المطلوبة مشار لها بـ *

*