اليوم الخميس 14 ديسمبر 2017 - 8:18 صباحًا

  
  رئيس التحرير
  شكري رشدي



أمنيات التلاميذ للعام الدراسي الجديد .. يوسف : نفسي الأنشطة تزيد  ..و رنا : عاوزه  الحصص تقل

ghftrty67778888
كتبت – هيام نيقولا :  مع بداية العام الدراسي يتمني التلاميذ أمنيات بسيطة و مشروعة،  نرجو أن تتحقق على مدار العام ، المضحك المبكي أن الأمنية التي أجمع عليها كل التلاميذ هي ” أن المدرسة تتحرق أو تتهد أو الدراسة تتلغي خالص ” و هي أمنية أجيال كثيرة سابقة .
 رنا تامر عبده عبد العليم، تلميذة في الإبتدائية بمدرسة حكومية قالت: نفسي الفصول و المدرسة تكون نظيفة و و الديسكات اللي متشخبط عليها و الحمامات ينضفوا ، و الحصص تقل علشان الواجب كتير جداً و الشنطة و جعت ظهري ، و نفسي أطلع دكتورة أسنان .
 يوسف رفيق فاروق، تلميذ في الصف الخامس الإبتدائي بمدرسة تجريبية قال: نفسي الأنشطة تزيد شوية و على رأسها الألعاب والرسم و الرياضة عموماً، علشان بحب الكورة ، و الواجبات تقل شوية ، و الشنطة التقيلة تخف و الدراسة تقل شوية ، و لما أكبر هكون دكتور.
  سارة إبراهيم أحمد، ثانية ثانوي بمدرسة خاصة قالت : ” نفسي في السنة الجديدة ابطل اخد دروس وده مش هيحصل غير لما المدرس يشرح في الفصل زي ما بيشرح في الدرس بالصبط وهذا لن يتحقق إلا بزيادة رواتب المعلمين ، لكني أري أن المشكلة في ضمير المعلم ، ونفسي في مدرس الموسيقي يعلمني بجد ومدرس الرسم ينمي موهبتي مش حصص و خلاص ومدرس الألعاب يدربنا بجد مش ننزل نتمشي في الحوش ، علشان نفسي العب رياضة في المدرسة ، ومدرس الانجليزي يعلمني ازاي انطق صح مش يلتزم بمنهج، و كل مدرس يشوف الهدف من مادته وهل حققه ام لا و والسنة الجديدة هتكون احسن لو كلاً من المدرس والطالب عرف واجبه ونفذه نفسي في السنة الجديدة استفاد من المدرسة بجد مش مجرد شوية كلام علشان الامتحان ” . و تابعت : فكلا منا يبحث عن سعادته دون النظر إلي الأخرين ، لازم المدرس يفهم الطالب و ميحبطوش ولا يتعصب عليه لما يسأل كتير، و كنت اعاني من الشنطة الثقيلة والكتب لحد مادخلت ثانوي ، وامنيتي هذا العام وانا اري اصحابي اللي في ٣ ثانوي مطحونين ومحدش حاسس بيهم من قرارات وزير لوزير ومدارس مش بيستفادو فيها حاجة ومدرسين طماعنين بياخدو في الشهر اكتر من ٢٥٠ جنيه في مجموعة عددنا فيها كبير وبيكون عصبي ومتكبر لأنه عارف ان الطالب محتاجه، و الدولة بتذل التلاميذ بمصحيحين ت ضمائرهم ميتة ولايوجد اعادة تصحيح تجيب حق التلميذ ، امنيتي اني لما ادخل ٣ ثانوي يكون الوضع اتغير مش عايزة ادخل الثانوية العامة (المطحنة) نفسي اي حاجة تتغير قبل ما السنة تخلص وبطلب ان الحشو اللي في المناهج يتشال علشان اقدر احب المذاكرة .
الصور الولد يوسف رفيق  و ده لبس  المدرسة و البنت رنا تامر اللي رافعه صوابعها و صاحبتها 

اضف رد

لن يتم نشر البريد الإلكتروني . الحقول المطلوبة مشار لها بـ *

*