اليوم الجمعة 15 ديسمبر 2017 - 10:08 صباحًا

  
  رئيس التحرير
  شكري رشدي



بطلة حكاياتى .. كليمات : كيرلس يوسف

371-500781

  • امي ياعطر تفوح رائحته الذكية لتملأ جنبات حياتي
  • امي ياملاذي ياسندي يابطلة كل حكاياتى
  • امي يانبع من الحنان ياضامدة جروحى وأهاتي
  • شايلة همى من أول ماكنت في بطنك ياأمانى
  • وفى صغرى كاسية الدنيا حب وتاكلى بأسنانك اللي يهدد سلامي
  • بتخافى عليا من الهوا الطاير وانا ياما عليكى بأقسى
  • من اول يوم ليا في الدنيا شايلانى وانا دايما أنسى
  • دايما الجندى المجهول انتى ياأمى فى كل حياتى
  • ولو يوم تعبت بأجرى اترمى فى حضنك واحكيلك
  • احكيلك عن هموم الدنيا ومتاعبها وابكى واشكيلك
  • اول يوم ليا فى المدرسة قعدتى الليل كله تخيطى في مريلتى
  • وتذاكرى ليا دروسى ودايما بتحمينى من نفسى
  • وفى اعدادى لما كبرت شوية قلتى ابنى اهو كبر وبقى فارس
  • ولما كنت اتعب في يوم بتبقى انتى ليا حارس
  • ولما يجى يوم امتحاناتى محدش غيرك بيبقى بيا حاسس
  • وفي الثانوية تدعيلى يارب تكون دكتور او مهندس
  • وياريتك ارتاحتى شوية حتى بعد مابطلت ادرس
  • وكم من الدعوات ليا عشان ربنا يرزقنى بوظيفة
  • ويوم مااشتغلت شفت فرحة الدنيا فى عنيكي ماانتى اللى خليتى الدنيا سهلة فى عنيا وأيامى  خفيفة
  • و لساكى ياامى ماارتاحتى وبتدورى لابنك على عروسة
  • وبعد ماجوزتينى بتدعيلى يارب ارزقه بولد يفرح قلبه او عروسة
  • قوليلى امتى هتفكرى فى نفسك شوية وترتاحى
  • يااصل الوجود انتى ياعزتى وتاج نجاحى
  • كلامك بلسم يطيب خاطرى وفى وقت الشدة يهدينى
  • يانور لعنيا وسط ضلمة حياتى يرشدنى ويقوينى
  • جاحد انا ياامى وفى وسط هموم حياتى بانساكى
  • وانا اللى لو راجعت شريط حياتى هلاقيكى مصدر بركاتى
  • ربى احفظ لى امى شريانى ونبع حياتى
  • مايوصف حبها قصايد الدنيا او كوم من كلماتى
  • ربى احفظ ليا تاجى وبطلة كل حكاياتى

6 تعليقات

  1. جامده قووووووى ايوه بقي يا فنان مبروووووووك

  2. بصراحه ده مش كلام من الفم ولكن من القلب

  3. مايكل محفوظ

    بالتوفيق يا كيرو دايما

  4. مايكل ميلاد

    جمييييييييييلة جداااااااااااا
    بالتوفيق داااااااااااايما 🙂

  5. جميله اوئ يا كيرو بالتوفيق ديما

  6. تسلم كلماتك وتدوم

اضف رد

لن يتم نشر البريد الإلكتروني . الحقول المطلوبة مشار لها بـ *

*